PIDHATO BASA JAWA

PIDHATO BASA JAWA

   Februari 25, 2018       Unknown

---

          

  Pidhato utawa sesorah iku ana rong jinis, yaiku kanthi lisan lan tulisan. Teknik pidato ana rong tahapan, yaiku persiapan lan nyampekna pidato.

Tahap persiapan iku ana 3 babagan, yaiku:

1. Nyiapke topik lan bahan,

2. Nulis surasane pidhato,

3. Gawe naskah pidato

Tuladha pidhato:

Sugeng siang,

            Matur nuwun dhumateng pranata adicara sampun maringi wekdal kangge kula ngaturi tanggap sabda “Sinten Tiyang Ingkang Wajib Dados Guru”.

            Sumangga sesarengan kita aturaken muji syukur dhumateng Gusti ingkang Maha Agung amargi sampun paring keslametan.

Ingkang kula kurmati Bapak Bambang Sudiro, M.Pd. minangka Kepala Seksi Pendidikan Dasar dan Menengah. Ingkang kula kurmati Bapak Suroni, S.Pd. minangka pengawas sekolah wonten lingkup SMP. Ingkang kula kurmati Dra. Tatik Arlinawati, M.Pd. minangka Kepala SMP N 3 Ungaran. Ingkang kula kurmati guru se-Kecamatan Ungaran. Kula aturaken panuwun dhumateng para rawuh ingkang sampun rawuh wonten adicara punika.

Bapak kaliyan Ibu guru inkang kinurmatan, wonten ing serat wirid Hidayat Jati anggitanipun R.Ng. Ranggawarsita dipun sebataken bilih pratelanipun wajibing tiyang dados guru punika wonten wolung perkawis. Wolung perkawis inggih punika bangsaning sujana, bangsaning ngawirya, bangsaning ngagama, bangsaning supunya, bangsaning ngatapa, bangsaning ngaguna, bangsaningprawira, saha bangsaning supatya. Salah satunggalipun tuladha bangsaning supatya tegesipun bangsa tani ingkang temen.

Dene panganggening tiyang dados guru ugi wonten wolung perkawis inggih punika paramasastra, paramakawi, mardibasa, mardawalagu, hawicarita, mandraguna, nawungkridha, saha sambegana. Salah satunggaling tuladha inggih punika sambegana ingkang tegesipun engetan.

Sedaya ingkang kawula aturaken wonten nginggil punika kaserat wonten ing serat wirid angka satunggal. Mugi-mugi menawi guru punika saged nggadahi perkawis-perkawis ingkang kasebat wonten nginggil, kedadosan ingkang boten mesthinipun nemahi dhateng guru mokal kalampahan.

Minangka panutup atur, menawi anggenipun kula matur wonten kalepatan kula nyuwun pangapunten.

Matur nuwun,

Sugeng siang.